"Мектепке Жол" акциясы

Қазақстан Республикасы Білім және ғылым министрлігі Мемлекет басшысының мектеп оқушыларының толық қатысуын қамтамасыз ету туралы тапсырмасын орындау мақсатында жыл сайын "Мектепке жол" республикалық акциясын өткізеді. Рейдтер жүргізілді, соның негізінде әлеуметтік көмек көрсетуге мұқтаж балалардың тізімі жасалды, аз қамтылған, көп балалы, қамқорлықтағы отбасылардың балаларының деректер банкі жаңартылды .Мектепте әлеуметтік қорғалмаған білім алушыларға және аз қамтылған, көп балалы отбасылардан шыққан оқушыларға мектеп-жазу құралдарымен көмек көрсетіледі. Кез-келген көмек, Оқу құралдары мен киім, ұйымдастыру техникасы немесе Оқыту құралдары, жиһаз бен ойыншықтар, тұрмыстық техника және спорт жабдықтары, тамақ өнімдері немесе кітаптар балаларды жаңа оқу жылының басталуына дайындауға, оларды оқыту, тәрбиелеу, бос уақытын өткізу жағдайларын жақсартуға көмектеседі.Қиын өмірлік жағдайға тап болған балалардың тағдырына немқұрайлы қарамайтындардың барлығын, мұқтаж балаларға мереке сыйлай алатындардың барлығын акцияға қатысуға шақырамыз.