Сабақтың тақырыбы: Қазақстан

Сабақтың мақсаттары:

Білімділік: Жаңа сөздермен таныстыру, оларды оқушылардың белсенді сөздік қосуға жаттықтыру. Оқушылардың сұрақты саналы түрде түсініп, толық жауап беруін талап ету.

Дамытушылық: Ауызекі сөйлеу тілін, есте сақтауын дамыту, лексикалық тақырып бойынша сөйлей алу дағдысын қалыптастыру.

Тәрбиелік: Туған жеріне деген сүйіспеншілік, мақтаныш сезімдерін ояту.

Сабақтың типі: дәстүрлі емес сабақ

Сабақтың түрі: жаңа сабақ

Пәнаралық байланыс: дүниетану, орыс тілі

Сабақтың әдістері: мәнерлеп оқу, сұрақ - жауап, аудару, даталарды түсіндіру, ойын, жаттау, жазу.

Сабақтың көрнекілігі: Суреттер, интербелсенді тақта, кесте, эл.құрал

Сабақтың барысы:

І. Ұйымдастыру кезеңі:

1. Амандасу.

2. Лексикалық минимум (3 мин)

- Қазір қай жыл мезгілі?

- Қыс айлары қандай?

- Қазір қай ай?

- Бүгін нешесі?

- Аптаның қай күні?

- Бүгін ауа райы қандай?

- Сабақта кім жоқ?

- Көңіл-күйлерің қандай? (смайлик арқылы көрсетеді)

- Балалар, мен сендерге бүгін сәттілік тілеймін

ІІ. Жаңа тақырыпқа шығу; сабақтың мақсатымен таныстыру. (5 мин)

Интербелсенді тақтадан Қазақстан картасын көрсетіп, сұрақ қою: №1

- Бұл не?

- Бұл карта.

- Бұл ненің картасы? Қай жердің картасы?

- Бұл Қазақстан картасы.

- Дұрыс. Сонымен, бүгінгі сабағымыз не туралы болады деп ойлайсыңдар?

- Әрине. Сабағымыздың тақырыбы - Қазақстан, - деп аталады.

- Сабағымыздың мақсаты: жаңа сөздермен танысамыз, олармен сөз тіркестері мен сөйлемдер құрастырамыз; қойылған сұрақтарға толық жауап береміз, лексикалық тақырып бойынша сөйлей алу дағдысын қалыптастырамыз.

- Балалар, ҚАЗАҚСТАН дегенде көз алдарына не елестейді? Қандай сөздер ойға келеді? (интербелсенді тақтада карта суретінің жан-жағына сол сөздерді жазып тұрамын) №2 (3 мин)

ІІІ. Жаңа сабақ:

1) Сөздік жұмысы: (10 мин)

Ø Оқушыларды жаңа сөздермен таныстыру.

Отан – Родина  

Елбасы – Президент                                                                

Елорда – столица

Жер – земля

Қала – город

Ø Сөздерді дұрыс айтуға дағдыландыру:

а) мұғалім мәнерлеп оқиды;

ә) оқушылар дауыстап қайталайды;

б) оқушылар тізбектеп оқиды.

- Сөз тіркесі мен сөйлемдер құрастыру. («Білім кілті» жетондары)

- Балалар, осы сөздердің ішінде қазақ тіліне тән дыбыс бар ма?

- Ол қай дыбыс?

- «Қ» қандай дыбыс?

- Дауыссыз дыбыс

- Қай түріне жатады?

- Қатаң

- Елбасы, елорда деген сөздер екі түбірден тұрады екен, бұл қандай сөздер?

- Біріккен сөздер

2) Мәтінмен жұмыс: (5 мин)

Аудиотаспадан мәтінді (5-тапсырма 41 бет) тыңдату. (4.1.5)

- Балалар, мәтінді мұқият тыңдаймыз.

- Балалар, мәтіннен не түсіндік? («Білім кілті» жетондары)

ІV. Сергіту сәті: №3 (2 мин)

Оң қолымда «бес» саусақ

Сол қолымда «бес» саусақ

5-ке 5-ті қосамыз

Алақанды ашамыз

V. Жаңа сабақты бекіту: (10 мин)

1. Оқулықпен жұмыс.

2-тапсырма 40 бет. Үлгі бойынша сөйлесу. (жұптық жұмыс). Бір жұпты жатқа сұрау.

2. Дәптермен жұмыс. №1 жұмыс дәптері 22 бет («Білім кілті» жетондары 3 жетон)

VI. Сабақтың қорытындылау: №4 (3 мин)

- Сен қайда тұрасың?

- Қазақстанның жері қандай?

- Қазақстанның елбасы кім?

- Қазақстанның елордасы қай қала?

VІI. Үй тапсырмасы: мәтінді мазмұндау. (5-тапсырма 41 бет) №5 (1 мин)

VІII. Бағалау. («Білім кілті» жетондарын санап баға қою) (3 мин)